|
دمِّـي في العروق كنت عارف اني مش حـ حبك كنت عارف انك غريقة كنت عارف رسمت لعبة من خيالي ولعبت بيكي وبكل معني ممرش ابدا في بالي اني بدبح فيا البراءة بعت لك سراب الغريق واستنيت اشوف بقيت الحكاية دمع وبكا ولفة بنفسج بالألم وسرحاني وابتسامي وضحكة نغم عجباني اوي مسحة دموعك واللي كان مطيرني من الفرح ضحكة عنيكي وبسمة رجوعك عشقاني ايوة و تعشقي وحبي دايماً جاهز للوجود غرقانة ولسة حـ تغرقي ايدي دايما من بعيد حبيبتي ، اللي انتي مش عارفاه اني حبيتك في يوم نسيته حبيبتي ، اللي انتي مش حسَّـاه اني بشرب من عنيكي وجع حبيته لكن ايه يفيد الحب لقلبي القتيل بيموت مني كل صبح .. قبل الشروق و تدوب حلاوته في القهوة دوب ويفضل بكاكي دمي في العروق |