|
وردة عشقاني يا وردة ولا مرسوم لك في القمر التاني ليل وسراب ودهب مغزول بايعاني يا مية عيني .. ولا عاشقاني سكوت في عيون بتقول وردة وحَمَارها خدودك وسمارك بيشاور بدري قبل اليوم ما يتوه من عمري قبل الجرح ودبح الآه حضني تاه في بلادك شايف ، خايف ، عارف انك وردة جميله ، شايلة الخد بين التفاح لونك عمره ما عدي في يوم على عيني حاسبي عليا بخاف من سفرك دراعك فين من تعبي ؟! دايخ زي ما اكون فرحان زي ما اكون حبيت ..، .. لميت في عيوني حياه ليلي غايب عايش بيكي مستني زيي يبات .. متغطي بنور فـ عنيكي كلمة انت يا اللي انتي انا ، كلمة تساوي كتاب مكتوب عـ خدودي بكحلك مرسوم في شفايفي لو طيفك غاب صبحك طالع غنَّى في عيني بيمشي في دمي يدوب في عروقي عارفة ليه بغني ؟ افتح عيني على قمرك صبح اغمض عيني في حضني البدر عارف انك فيا وليا ..، ايدك مش ممكن تجرح فيَّا الآه |