على البحر

اتقابلنا.. على الشط كان اول لقانا
ابتسمت.. وفي عنيها كانت اغاني
سلمت .. والموج سلم معاها
وفي حضن الشوق رمانا
نحكي ونقول.. نرسي في مواني
عن الافراح وعن الجراح
عن كل اللي كان
نبكي والرمل عيط معانا
تضحك والريح تنقل صداها
وفضلنا نحكي كتير.. ساعات
وعدُّوا علينا مجرد ثواني
وحان الميعاد وقت الفراق
مسكت فيها وقلت ليه؟
ليه تغيبي يا شمس عمري
خليكي في حضن عنيا
نحكي حكايات
نقول كلام وشوية حاجات
وعدتني تيجي تاني بكره
وعدتني.. وعنيا شافتها ذكرى
ودعنا بعض بشوق العنين
ولمس الايدين وهمس الشفايف
وتاني يوم جيت نفس المكان
جيت بلهفة قلبي.. كنت خايف
لقيتها قاعدة مستنياني
مسكت ايدها وقلت.. بحبك
شدت ايديا وقالت .. بحبك
اقولها تاني !!؟