صورتها

دايب يا صورتها  دايب
في اللي كان بينا زمان
دايب في سنين الحقيقة
و حلم خاين مقتول الزمان

معقولة بتدور عليا
ف كل كلمة ف كل آهه
هناك اهي بتشرب مراري
بتنادي وتصرخ باسمي ف سماها

ربطت اللسان بعقدة زحام
وناديت بعلو صوت العيون
مش هتلاقيني ..
مش هتلاقيني يا قمراية عيون

هربان من ملامحك
حتي ف سكوتي
لابس وش تاني غير معني الكلام
خايف .. يمكن ، ويمكن اكون
حابس دموعي ف بيوتي
دايب يا صورتها دايب

معرفتش اكمل بعدك طريق
معرفتش .. اسلم ، انادي ، اغني
معرفتش افوق من صوتي الغريق

دايب يا صورتها دايب

سعات بعشق صورتها
واغرق واروح في النوم
واصحا على جرح غادر
مقسوم لي كل يوم

دايب يا صورتها دايب
في اللي كان بينا زمان